‘BESTE BATZUK’ atalean argitaratutako berriak

Aste honetan, larunbatean zehazki, abenduaren 3an, euskararen eguna da. Gure herrian, Leioan, aste honetan zehar hainbat ekitaldi egongo dira:
Abenduak 1, osteguna:

• Kandelazubietan Kiroldegian 18:00etan ‘Kortxea doktorearen abenturak’ izeneko haurrentzako ikuskizun dibertigarria izango da

• Kandelazubieta Kiroldegian 19.30ean bueltan Erdizka Lauetan taldearekin euskal dantzetaz gozatzeko aukera izango dugu, eta behar bezala amaitzeko mokadua egingo da 20.30ean.

Abenduak 3, larunbata:

• Mendibile Jauregian 17:00etan zure ipuinak sortzeko tailerra, eta Taberna Kantariak euskal kantak ekarriko dizkigu.

• Aterpe Leioa Gaztegunean Bertso-hop saioa izango da ikusgai gonbidapena hartu dituztenentzat.

• Abenduaren 3an eta 4an umeen zinea izango da Kultur Leioan 17.30ean ‘Katu bat Parisen’ filmearekin, eta abenduaren 3an, 4an, eta 5ean, helduentzako ‘Arriya’ filmea ikusteko aukera izango dugu 20.00etan

Ondo dago egun hauetan euskara bultzatzeko ekitaldietan parte hartzea, baina gogoan izan behar dugu egunero erabiliz soilik lortuko dugula geure hizkuntza sustatzea. Gogoratu, hizkuntza bat ez da galtzen ez dakitenek ikasten ez dutelako, dakitenek erabiltzen ez dutelako baizik.
Guk erronka handia daukagu aurretik, webgunea euskaraz ere eguneratzea. Lan handia dago honen atzetik eta ez gara eginbeharreko guztietara heltzen. Beraz, euskarako atalean laguntzeko bolondresik badago, ateak irekita dituzue.

Hona hemen Esne Beltza taldearen euskaraz bizi nahi dut kanta:

Bizkaiko Diputazioako Eskola Kirolak hurrengo emaila bidali digu Eskola Kiroleko monitoreentzako online ikastaroaz ohartzeko. Oraindik 1.mailako saskibaloi entrenatzaile titulua atera ez dutenen monitoreentzat aukera paregabea dela uste dugu. Hona hemen informazioa:

Honekin batera, “Online ikastaroa: Eskola Kiroleko monitoreak” lehen ikastaroari buruzko informazioa bidaltzen dizuet (aurreko denboraldian proba pilotua egin zen). Ordu teorikoak PRESENTZIALAK EZ IZATEKO dago diseinatuta ikastaroa; beraz, etxeko ordenagailuan edo beste edozein ordenagailutan egin dezakezue, Interneteko konexioa izanez gero. Praktikak teoriarekin batera egingo dira, ikasleak Eskola Kiroleko entrenatzaile diharduen zentro berean.

Leku kopurua mugatuta egongo da; beraz, plazak adjudikatzeko, zorrotz hartuko da kontuan eskabideak zein hurrenkeratan sartzen diren. Eskabideak egiteko epea azaroaren 20an amaituko da.

Gogorarazten dizuegu aipatutako titulazioa kontuan hartzen dela Bizkaiko Eskola Kiroleko programan parte hartzeagatik urtero ematen diren diru-laguntzak kalkulatzeko.

Informazio gehiago HEMEN

Barkatu, sarrera hau ez dago euskaraz