Atzo arratsaldean Adrianen mutilek ezin izan zuten Paulesen aurka irabazi (57-67). Hasiera ikusgarriaren ondoren (12-2), gure mutilek 16-0ko partziala jaso zuten (12-18). Bigarren laurdenean gauzak berdindu egin ziren eta etxekoak puntu bateko abantailarekin heldu ziren atsedenaldira (30-29). Hirugarren laurdena ez zen batere ona izan, erasoan baloi asko galdu zituzten eta Paulesen kanpoko jokoa txarto defendatu zuten. Honek azkenengo laurdenera 10 puntuko desabantailarekin heltzea eragin zuen (40-50). Azken laurdenean, Adrianek planteatutako zonako defentsarekin eta trantzizio azkarrekin, 6-0ko partziala lortu zuten, Hurrengo minutuetan zehar 4 eta 8 puntu arteko aldea egon zen markagailuan, baina azkenean Barakaldotarrek hiruko marratik bi saskiratze lortu zituzten partidua erabakiz (57-67). Orain, sailkapena ezartzeko bi partidu falta direnean, datorren urteari begira jartzeko garaia heldu da, eta aurten ikasitakoarekin eta eskuratutako esperientziarekin, datorren urtean sailkapenean goikaldetik egotea izango da helburu.

Iruzkinak itxita daude