Barkatu, sarrera hau ez dago euskaraz

Atzo Barkaldon, Paules Saskibaloi Taldeak antolatutako emakumezko senior mailako Zazpe Txapelketako lehen eguna jokatu zen arratsaldeko 17:00etatik aurrera. Lehen finalaurrekoan gure 1.mailako neskak eta Ugeraga lehiatu ziren, eta Leioa izan zen garaile (58-52) finalerako txartela lortuz. 2. Finalaurreko garailearen aurka (Mungia edo Paules) arituko dira gaur arratsaldeko 18:30etan.

Zorte on neskak!

Asteburu honetan emakumezko saskibaloia izango da nagusi Kandelazubietan. 2.mailako emakumezko kadeteek euren lagunarteko lehen partida jokatuko dute Kandelazubietan, goizeko 11:45ean Erandioren aurka. Arratsaldeko 16:00etan, leku berean, 2.maila nazionalean lehiatuko den Leioa SBTko emakumezko taldeak ligari emango dio hasiera, Las Gaunas Prometeren aurka. Talde hau, Irlandesas eta Leioa SBTko jokalariez osatuta dago.

Hauen ostean, Emakumezko Liga 2n (estatu mailan emakumezko 2.maila nagusiena) lehiatzen diren, Irlandesas eta Ibaizabalen arteko lagunarteko norgehiagoka ikusi ahal izango dugu (18:15).

Berria irakurtzen jarraitu »

Asteburu honetan, jokatu diren 5 lagunarteko partidetan, 3tan garaipena lortu dugu (1. Mailako gizonezko kadetetan, 1.mailako seniorretan eta nazional 2.mailako emakumezkoetan) eta 2tan atzetik amaitu dugu markagailuan (“especial” mailako emakumezko kadeteetan eta nazional 2.mailako emakumeetan). Baina denboraldiko garai honetan, emaitzak ez du pisu handirik, eta entrenatzaileek euren taldeen eboluzioa ikusteko erabili dituzte partidak. Honela euren taldeek aldatu eta indartu beharreko alorrak behatu dituzte.

Prestaketa aste berria hastera goaz, 4.astea hain zuzen ere. Talde gehienei aste batzuk falta zaizkie lehiaketa ofizialean martxan jartzeko, baina nazional 2.mailako neskak azken txanpan sartu dira. Datorren larunbatean emango baitiote ligari hasiera, Kandelazubietan arratsaldeko 16:00etan Las Gaunas Promete-ren aurka.